Der Bürgerverein wünscht Ihnen und Euch einen schönen und besinnlichen dritten Advent!
Kengerdröm
ein Gedicht von Wilma Henn
Wenn et Chresfess nöhder könt
de Mesche en Jedanke sönd.
Aa de eje Kenkheet weed jedaht,
un war dat Fess för Freud doch jemaht.
Nä, war wor dat Chresfess schönn,
ver dahte doch all
datt et Chreskenk van dr Hömmel köm.
Wönsche döng et os erfölle,
die ver vörher opjeschrevve.
De Wonschzeddelcher hant vür op die Fensterbank jelaat
un da brav op Weihnachte jewaad.
Sämtliche Weihnachtsledder hant ver jesonge,
öm et Chreskenk fruh ze stemme.
Selvs jebacke woote Stolle un Plätzjer,
uussteiche dorfe vür Kenger
Monde Zimtstärcher un Hezzjer.
Adventliche Loff loch en et Huus,
de Plätzjer kome en en jruuße Duus.
Schnütze wor och at ens drenn,
herrlich, wenn esu Olätzke op dr Zong zerjeng.
Noch en dr Schloff wore ver an et Chreskenk am denke,
övverjlöcklich va Vördreud op de Jeschenke.
Bes ver eines Daachs dohenger kome,
dat met dat Chreskenk, dat es jelore.
Ver koote et koum jlöve als Kenger,
ävver do stoche de Eldere henger.
Johrelang hant se os jet wiisjemaaht
un os selvs de Jeschenke jebraht.
Ohne Chreskenk, dat fonge ver jemeng.
En Illusiun die wor dohenn.
Un spieher als ver dann selvs Eldere wore,
ver janz jenau dat selve dore.
Och ver hant met os Kenger dat Spellche jespellt
un hant et och mäh jot jemengt.
Ich verbeng Weihnachte un Advent met Kengerklöck
und denk jär un döcks doraa zeröck.
Et wo en schönn Zitt,
worenn ver besongesch brav see moote,
weil ver an et Chreskenk jlohte.