Der Bürgerverein wünscht Ihnen und Euch einen schönen und besinnlichen vierten Advent und frohe Weihnachten!
Hellichovvend
ein Gedicht von Wilma Henn
Dr Boom steht ejje Zemmer,
Jetz wade ver op de Kenger.
Se send at jruuß, wonne net mieh heem,
ävver hü welle se en de Heemet see.
Ich hür de Autos, se send at do,
do Jlocke lue, de rechtijje Zitt,
noh de Kerch ze joh.
De Enkele send och dobeij,
die eng hant zweij, die angere dreij.
Send all at jruuß, jetz weed marschiert,
domet me en de Kerch noch ne Seetzplatsch kritt.
Jesonge weed weihnachtlich baschtisch völl
un jekickt et Kreppespeel.
Nohdemm Patur os all jesänt,
weed flott un siehr noh heem jeillt.
Do es et jemütlich, dr Desch fing gedeckt,
de Jeschenke parat un e Jläsje jereckt.
All wönsche sich wie jiddes Johr,
e jlöcksillich Weihnachtsfess.
De Mamm hat jekaucht un es zefree hü,
met hör besongisch 4-Jäng-Menü.
Dr Papp serviert e Jläsje Wieng dobeij,
un da jeht et lous met de Verzällereij,
Dr. Enge wees det und dr angere dat,
ävver Theme hant se emmer satt.
Su verjeht menich Stöndche en de Heilije Naht,
Die os emmer völl Freud jebraht.
Hant ver net Jrond, ose Herjott ze danke,
för os Kenger un Enkeltrabante?
Mä enge Wonsch hant ver noch freij,
och nieks, wöre ver wier jär dobeij!